A candidata por Compromiso por Galicia exerceu unha férrea oposición á actual alcaldesa
12 may 2015 . Actualizado a las 05:05 h.A veciñanza de Muros afronta os comicios municipais do día 24 tras catro anos convulsos na corporación. Compromiso por Galicia (CxG) estréase nunhas municipais coa mesma cabeza de lista que no 2011 liderou a candidatura do BNG, María Xosé Afonso (Muros, 1967), que neste mandato exerceu unha férrea oposición que a enfrontou coa aínda alcaldesa e candidata do PSOE, Caridad González.
-Cree que acadará os mesmos resultados que hai catro anos co BNG, cando obtivo tres concelleiros.
-A situación agora é diferente pola mala xestión que fixo o PSOE no Concello e polo cambio de candidato no PP local. Nós, mentres, temos o aval destes últimos catro anos de traballo.
-¿Coincidirá en que o feito de haber vivido un mandato tan crispado non axudará a ninguén o día 24 pola mala imaxe dada?
-Foi un mandato crispado, pero non podemos permitir abusos de poder nin outras actitudes da alcaldesa do PSOE, que quitábanos as quendas de palabra nos plenos ou votábanos ilegalmente das sesións, tal e como certificou a Xustiza en dúas ocasións. Tamén teño que dicir que o PP nestes catros anos estivo desaparecido e non fixo oposición.
-¿Valoraron a opción de pactar?
-CxG deu liberdade nos concellos. No caso de Muros temos claro que a xente saberá antes das eleccións cales serán os nosos plans para que non haxa sorpresas despois. Pero o de pactar non é seguro.
Un libro: Os sete coitelos
Unha película: A Esmorga
Un espazo: A Formilla
Un político: Xoán Bascuas
Unha cidade: Ningunha, son de aldea
Unha comida: O churrasco
Un deporte: Pasear
Un personaxe histórico: Mahatma Gandhi
Unha canción: Vai alborexar
Un desexo: Igualdade de dereitos