O C.X.F. Viajes Interrías suma outra vitoria pola aliñación indebida do C.X. Rianxo
RIANXO
O primeiro equipo do Club Xadrez Fontecarmoa, o Viajes Interrías Sanxenxo, protagonizou o pasado sábado unha triste actuación no local de xogo do ata entón pechacancelas da División de Honra das Ligas Galegas de Xadrez por Equipos, o C.X. Rianxo. Só unha aliñeación indebida do conxunto do Barbanza evitará nos despachos que sume a que tería sido a súa primeira vitoria, logo de que pese a presentar un xogador que nin chegou a sentarse na mesa, o C.X.F. Viajes Interrías Sanxenxo non fora quen máis ca de sumar un punto e medio en xogo, caendo 3,5-2,5.
A actuación en Rianxo ratifica a mala temporada do conxunto vilagarcián, moi lonxe de probar o seu potencial para erixirse en autoproclamado candidato ao título da máxima categoría do xadrez galego. O seu segundo equipo, o C.X.F. Espazo Xove, sufriu pola súa banda un duro correctivo de mans do líder, o C.X. Mos: 5,5-0,5.