Dezaseis colexios de toda Galicia competirán un ano máis no «Ecopreguntoiro»
CARBALLO
O concurso de escolares de sexto de primaria é un dos piares do programa Ecovoz, en Radio Voz
29 ene 2024 . Actualizado a las 21:09 h.Un dos grandes puntos de identidade do Ecovoz é o Ecopreguntoiro, ese concurso entre distintos centros escolares públicos, privados e concertados de toda Galicia. Para esta nova edición, son dezaseis os colexios inscritos: CEIP Padre Crespo (Xunqueira de Ambía, Ourense), Colexio María Assummpta (Noia, A Coruña), CEIP A Lama (Lama, Pontevedra), CPR Manuela Rial Mouzo (Cee, A Coruña), CPR Plurilingüe La Merced (Sarria, Lugo), CEIP Plurilingüe Condesa de Fenosa (O Barco de Valdeorras, Ourense), CPR Sagrado Corazón de Placeres (Pontevedra), CPR Santa Juana de Lestonnac (Ferrol, A Coruña), CEIP Celeiro (Lugo), CEIP A Ponte (Ourense), CPR La Milagrosa (Ribeira, A Coruña), CEIP Monte Baliño (Pantón, Lugo), CPR Plurilingüe La Encarnación (Caldas de Reis, Pontevedra), CEIP Rosalía de Castro (Bóveda, Lugo) e o CPI Plurilingüe de Rodeiro (Rodeiro, Pontevedra).
Participarán catro alumnos de 6.º de primaria de cada centro e será en formato de eliminatorias, arrancando a primeira o próximo 9 de febreiro. A final está prevista para o 24 de maio. O Manuela Rial ceense defende o título.