Será o vindeiro 19 de maio, no pavillón do CEIP Gándara-Sofán de Carballo
06 may 2025 . Actualizado a las 05:00 h.O CEIP Plurilingüe Gándara-Sofán, de Carballo, tirará de talento local para festexar o Día das Letras Galegas deste ano. O centro ten programado para o vindeiro 19 de maio un acto de homenaxe á cantareira de Berdillo Consuelo dos Queixos, recentemente falecida.
Consuelo Vázquez foi musa e informante de Xabier Díaz, e de todo ese patrimonio que ela tiña almacenado na súa mente saíu No salón das cereixas, un dos temas máis populares do artista coruñés.
El será, precisamente, o mestre de cerimonias da homenaxe, que está programada para as doce do mediodía no pavillón do centro educativo carballés.