Cheques regalo para os que resolveron as palabras misteriosas do CCA carballés
CARBALLO
A entidade levou a cabo unha campaña comercial con motivo do Samaín
04 nov 2025 . Actualizado a las 05:00 h.A campaña comercial que desenvolveu o CCA de Carballo co gallo do Samaín xa ten gañadores. Ana Belén García Tasende, Jessica Varela Abelenda, Sandra Brandón Varela, Noelia Canedo Rodríguez, Carlos Baldomir Sánchez e Sandra Tarrío Rodríguez recibirán cadanseu cheque de 50 euros para consumir nos establecementos asociados ao Centro Comercial Aberto carballés.
Os seus nomes foron os seleccionados nun sorteo que se realizou a través da canle de Instagram da entidade e no que participaron as persoas que o pasado 31 de outubro acudiron ao Mercado Municipal para entregar as palabras misteriosas que lograron formar coas letras que estaban ocultas nos escaparates dos 34 comercios que tomaron parte nesta campaña, denominada Truco ou trato?
A presidenta do CCA, Silvana Rama, destacou que iniciativas deste tipo demostran a capacidade de reinventarse que ten o comercio local.