O Concello xa ten a primeira parte do fallo do certame. A próxima será a categoría xeral, cun xurado
27 nov 2025 . Actualizado a las 23:03 h.A cuarta edición do certame fotográfico A Laracha no obxectivo xa ten unha parte do seu podio desvelado. O Concello, promotor da iniciativa, vén de dar a coñecer a fotografía gañadora na modalidade de redes sociais, un traballo da autoría de Iria Boza Martínez, veciña da parroquia de Golmar. A imaxe leva por título Memorias de auga e cerne e foi tomada o pasado 2 de novembro no río Acheiro, precisamente na parroquia onde reside Iria. Recibiu na páxina de Facebook Turismo da Laracha o maior apoio popular entre todas as propostas presentadas, cun total de 672 reaccións positivas. Levará por iso 250 euros.
Sobre a imaxe destaca o Concello larachés a súa forza visual e a capacidade de transmitir a relación entre a auga e a identidade natural da contorna, todo iso a través dunha composición equilibrada e unha luz serena. No que respecta á categoría xeral, o xurado, profesional, reunirase na vindeira semana: hai 45 fotografías para analizar.