As luces quedaron acesas e no consistorio instalouse un belén enxebre que poderá visitarse novamente a partir deste luns
30 nov 2025 . Actualizado a las 05:00 h.Na véspera do adeus de novembro, o Concello de Cerceda deu por inaugurado onte mesmo este tempo de ilusión que é o Nadal, e fíxoo co acendido da súa iluminación, conta atrás incluída. Juan Manuel Rodríguez, alcalde, acompañado doutros edís da corporación, chamou a manter o espírito do Nadal todo o ano, a través do amor, da empatía, da axuda, da resiliencia.
Mesmo tivo mensaxe para «o amigo» Abel Caballero e as luces de Vigo: poida que non haxa quen lle faga competencia «pero imos mellorando». O Nadal de Cerceda é cada vez «máis participativo». Entre os atractivos na vila, ademais dun poboado na praza do Campo da Feira, un belén enxebre na entrada de Concello, con man artesá larachesa (Esther e Ramona, de Esther Rey Eventos) Puido visitarse onte e poderá volver facerse dende o luns: información no 981 685 036.