Novo divertimento a cargo de Roberto Traba, desta banda un sarcástico análise do conflito entre Ucraína, Rusia e Estados Unidos
01 mar 2025 . Actualizado a las 18:11 h.Cúmprense agora tres anos
do da guerra de Ucraína,
e axiña, polo que din,
disque vai chegar ao fin
por un acordo sinistro
entre o Trump e o Putin.
Tres anos de bombardeos,
cada noite e cada día.
Non se sabe cantos son
os mortos, sen ton nin son,
que morreron inocentes
durante a conflagración,
como tampouco se saben
os millóns que se empregaron
neste inhumano marrón,
de difícil solución,
cuxo único obxectivo
foi provocar destrución.
Intereses xeopolíticos,
motivos macroeconómicos,
discrepancias de nacións,
e outras estrañas razóns
din que son causa e orixe
de tanta desolación.
Pero o conto é o de sempre,
a ninguén van enganar,
todo o mundo pode ver
que o motivo deste affaire
non é outro que a cobiza,
e as ansias de poder
por parte de dous señores,
dous poderosos tiranos,
dous dende sempre inimigos
que pra partirse o pastel,
mira ben o que che digo,
fixéronse máis que amigos.
Tan amigos se fixeron,
que este par de delincuentes
tildan sen ningún rubor
a Zelenski de agresor,
de tirano, de intrigante
de paiaso ou de traidor.
A min, esta nova xogada
por parte do Putin e o Trump,
se apelamos á memoria
recordando un pouco a historia,
lémbrame a Hitler e a Stalin,
cando en ruín cerimonia,
polo ano 39
do século xa pasado,
en operación notoria,
sen aviso e en complot
repartíronse Polonia
sen ningunha parsimonia.
Repítese pois o conto!
Outra Europa dividida!
Volve un mal que ao mundo aterra,
un perverso e vento escuro
que soa a tempos de guerra
e o machado desenterra.