-¿O «ele» está enterrado? -Desde a Lei de Normalización Lingüística; outra cousa é que algúns quixeran mantela viva por intereses electoralistas. A división social por ese tema non existe. -O alcalde di que na súa vida privada chamará á cidade como queira. -Na intimidade, claro. Agora, no institucional, valoro o correcto uso do topónimo no discurso de investidura. -A Casa de los Peces ¿chamarase dos Peixes? -Probablemente... A verdade, descoñezo se o rótulo... -Pon de los Peces. -As cousas haberá que facelas con naturalidade, e o goberno aceptou a existencia dun servizo de normalización. -Entón será «dos Peixes». -Non o sei, iso non será decisión miña, pero penso que terá que haber coherencia. -¿Subirá no ascensor? -O único que pretendo é que non sexa deficitario. -¿As terrazas da praza de María Pita? -A sensibilidade cidadán e a do goberno farán que se estude. -¿Acudirá á función do voto? -¿Do voto electoral? [ri]. -Do voto á Virxe do Rosario. -Todo se irá andando.