A cantante lembrou a súa mestra e combinou música, emoción e reivindicación no Monte Xalo
25 ago 2025 . Actualizado a las 14:14 h.O Monte Xalo en Culleredo acolleu o terceiro día do festival Castelo Conta, cunha xornada cargada de música, emoción e reivindicacións culturais. A sesión vermú comezou ao son de Tanxugueiras, que puxeron ritmo e enerxía ao público, mentres que Sés pechou o día cun concerto moi especial.
Durante a actuación, Sés quixo render homenaxe a Rosa de Encrobas, a muller que lle ensinou a cantar e que lle transmitiu valores de dignidade, orgullo e humildade: “Esta é a señora Rosa de Encrobas, ensinoume a cantar e a ser quen son hoxe”, destacou, recibindo unha forte ovación do público.
O momento máis emotivo chegou coa interpretación do que xa se considera o himno do Castelo Conta, “Todo Castelo Conta”, no que Sés lembrou que a mensaxe non é só para a xente de Castelo, senón para todas e todos. Os seus discursos reivindicativos tamén marcaron a xornada, lembrando a importancia de manter vivas as tradicións e o legado das cantareiras homenaxeadas no Día das Letras Galegas.
O terceiro día consolidou o Castelo Conta como un espazo onde música, memoria e cultura popular se dan a man, cun público entregado que vibrou co talento e a emotividade dos artistas.