Os de Alberto Mariano poñen esta mañá ao día o seu calendario
01 may 2025 . Actualizado a las 05:00 h.O Novo San Pedro abre este mediodía as súas portas para ver o seu equipo xogar o partido da xornada 25 de Liga que o Vilalonga tería xogado o 9 de marzo fronte ao Betanzos de non ter sido aprazado por unha alerta laranxa por temporal. Case un mes despois, os dous equipos se presentan ao seu choque ocupando as dúas últimas prazas da clasificación, pero cunha diferenza determinante. Mentres o conxunto visitante o fai logo de ter certificado o seu descenso o pasado domingo, o celeste sabe que, cos 3 puntos en xogo hoxe desde as 12, encarará este domingo a penúltima xornada do campionato con 36 puntos, igualando co Viveiro e dando un salto de catro postos, do décimo sétimo ao décimo terceiro, fóra da zona de descenso directo.
A estas contas tan simples coma contundentes se refería onte o adestrador do Vilalonga, Alberto Mariano, ao falar do partido como «unha auténtica final, iso enténdeo todo o mundo». O técnico local advirte de que «quen pense que é un partido fácil para o Vilalonga é que non viu a Liga os dous últimos meses», nos que o Betanzos «competiu moi ben», derrotando o Alondras. «Tense que notar que nos xogamos moito máis ca eles», salienta Lemos.
No Arousa, o club arlequinado freta un autobús gratuíto para os afeccionados que queiran viaxar á Coruña a apoiar o cadro de José Luis Lemos este sábado na súa visita ao Silva na penúltima xornada de Liga. Un Lemos que en principio dirixirá ese día o equipo, logo de saír ferido leve o martes do vehículo que conducía cando abandonaba a autoestrada para entrar na Coruña, onde reside.