Xesús Vázquez destaca «a boa relación» e a colaboración da Xunta e a RAG durante o mandato de Ferrín

O titular da Consellería de Cultura, Educación e Ordenación Universitaria, Xesús Vázquez, destacou hoxe a «boa relación que houbo entre a Administración Autonómica e a Real Academia Galega (RAG)», durante os tres anos de mandato de Xosé Luis Méndez Ferrín como presidente.

Vázquez, nun comunicado feito público esta noite, indica que, aínda que descoñece as causas que motivaron a decisión de Méndez Ferrín para presentar a súa dimisión, respéctaa.

Tras resaltar a «altura literaria, intelectual e institucional» do presidente da RAG, o conselleiro de Cultura indicou que baixo o mandato de Méndez Ferrín se acadaron cuestións moi relevantes, como a posta en marcha do Diccionario en Línea da RAG ou o acordo de financiación.

Finalmente, indica a Consellería de Cultura que «ten a certeza de que as relacións seguirán sendo igual de boas» coa persoa que sexa elixida para asumir o cargo da presidencia desta institución.

---

---

---