Yago Barriuso Veleiro. 16 anos. Santiago. Estudante
29 ago 2018 . Actualizado a las 05:00 h.Xa fai tempo que o aire ule raro. E un abundante fume sae das chemineas da nova fábrica.
-Mama! Ich habe Hunger!
O neno saca á muller dos seus pensamentos. Pecha a fiestra, pero ese cheiro xa impregnou toda a casa. É unha mestura de suor, enfermidade, desesperación. A morte.
O novo Goberno inaugurara a factoría en Oranienburg. Desde entón, moitos novos traballadores chegaran en tren. Pero o certo é que nunca ninguén vira saír a algún deles. Ela sospeita que non existe tal negocio. Pero é mellor non facer moitas preguntas. Ou podería ser a seguinte empregada recrutada.