O OUFF festexa o filme de 1987 «Monsignor Quixote», con Alec Guiness e rodado en Ourense

O Ourense Film Festival (OUFF) festexa a primeira película internacional que elixiu a provincia ourensá como escenario de rodaxe, Monsignor Quixote, dirixida por Rodney Benett sobre un guión de Christopher Neame que adapta a novela de Graham Greene de 1982. Realizada para a televisión británica, a produción (contou coa música de Antón García Abril) trouxo ata Galicia estrelas como Alec Guinnes, Leo Mckern e Philip Stone, entre outros. En maio de 1985 filmouse en lugares como o mosteiro de Oseira (Cea), Beade ou O Carballiño, e o propio Greene estivo presente. A cinta proxectarase en Cea e no teatro Principal de Ourense. O crítico Miguel Anxo Fernández presentará a monografía Monsignor Quixote: o filme que nunca se viu, crónica daqueles días de rodaxe.

---

---

---