A gala celebrarase o 15 de marzo en Lalín. A Deputación de Pontevedra acolleu este venres a xuntanza de finalistas desta edición
28 feb 2025 . Actualizado a las 22:29 h.Como antesala da gala dos Premios Mestre Mateo, que se celebrará o 15 de marzo en Lalín, a Deputación de Pontevedra acolleu este venres a xuntanza de finalistas desta 23 edición.
Antes da tradicional foto de familia, entregáronse os tres premios especiais. José Luis Ramírez Matos, director de zona de Pontevedra Metropolitana de Abanca entregou o Premio Abanca ao impulso da sostibilidade ao programa Cos pés na terra por contar «as pequenas e grandes historias de persoas que apostan polo rural», mentres que Marcial Gende, de Deleite, entregou o Premio Deleite á promoción da lingua á Bibopalula por ofrecer a unha nova xeración «a posibilidade de desfrutar dunha serie de animación feita na nosa lingua».
E Xoan Allegue, presidente de Martín Códax, deu o Premio Martín Códax Rías Baixas, Fillo do Atlántico á serie Clanes «pola autenticidade e espectacularidade coa que se retrata a riqueza paisaxística» do Salnés.