A programación abrirase o 28 de febreiro (20.30 horas, 5 euros) coa estrena de Celtas con filtro, da Escola Municipal de Artes Escénicas. O 1 de marzo actúa o grupo Canto d'Aquí de Braga (20.00 horas, de balde), o 7 Malasombra ofrece Testosterona (20.30, 5 euros) e o 8 Caramuxo Teatro a obra infantil Crisálida (12.30 horas, 3 euros). O 20 de marzo tócalle o turno a Marcos Teira Trío (20.30, de balde) e o 22 aos John Deres (21.00 horas). O 23 será o concerto de solistas da Banda Municipal (20.30 horas) e o 29 o festival de acordeóns Música no Camiño, con sesións ás 17.30 e 19.00 horas (10 euros).
En abril estrearase o musical dedicado á escritora Avelina Valladares, Seráns en Vilancosta. Estará protagonizado pola Escola Municipal de Artes Escénicas (Emae) e Tequexetéldere e, en principio, faranse dous pases: un o sábado 5 de abril ás 20.00 horas e outro o domingo 6 ás 19.00. A entrada custará 3 euros.
O 12 de abril volverá a programación infantil con Vicki e a felicidade, de Bandullo azul (12.30 horas, 3 euros). O 24 haberá un showcooking con Xoanqui Ameixeiras (20.30 horas, de balde) e o 25 Marta Alonso porá en escena Sofá (20.30 horas, 5 euros). O Coro Liceo de Vilagarcía ofrecerá un espectáculo de zarzuela o 26 de abril (20.00 horas, de balde).
En maio, a programación será a seguinte: o 9 ás 20.30 horas A inimiga do pobo de Talía Teatro (5 euros), o 10 ás 12.30 Compaña de Xampatito Pato (3 euros), o 18 ás 19.00 horas Concerto do Salmón da Coral Polifónica Estradense (de balde) e o 23 ás 20.30 horas Made in Galicia de Sarabela Teatro (5 euros).