26 dic 2024 . Actualizado a las 05:00 h.
A célebre familia xurdida do maxín de Pepe Carreiro visitará hoxe A Estrada dentro do ciclo Cantares de Reis, promovido pola Rede de Dinamización Lingüística en colaboración coa CRTVG e Gadis. Os Bolechas estarán ás 12.00 horas no teatro Principal inaugurando un ciclo que chegará a oito concellos galegos. Ensinarán cantos típicos de Reis para potenciar esta tradición. A entrada é de balde. Por outra parte, xa pola tarde, a sala Abanca da Estrada acollerá ás 18.30 horas o espectáculo Historias dun mundo grande, a cargo da compañía Bandullo Azul. Esta actividade tamén será gratis.