A formación que lidera Tino Cordal pon en valor o esforzo feito na consolidación do carácter peonil da praza
25 may 2023 . Actualizado a las 21:25 h.No sprint final da campaña., Somos Cambados quixo poñer onte en valor un programa electoral articulado en torno ás achegas que os veciños fixeron a través das canles que a formación puxo ao seu dispor. Sen presións, aseguran os seus responsables, nin de Pontevedra nin de Santiago. O seu obxectivo, indica o tenente de alcalde e candidato, Tino Cordal, consiste en «poñer as persoas no centro do goberno e un Cambados seguro para todos e todas».
Entre as accións desenvolvidas, Somos subliña o esforzo na consolidación do carácter peonil da praza de Fefiñáns, «que se fará definitiva logo das obras de recuperación da vella escalinata e a humanización do seu entorno». Neste senso, Cordal advirte que «o retorno do PP ao goberno podería supoñer a apertura de novo da praza ao tráfico rodado».