Rapaces dos distintos centros plantan os seus poemas no paseo marítimo Rosalía de Castro
23 mar 2021 . Actualizado a las 17:27 h.«Eu son libre. Nada pode conter a marcha dos meus pensamentos, e eles son a lei que rexe o meu destino». É un dos versos que sementaron os alumnos do CPR Luis Vives, onte, no paseo marítimo Rosalía de Castro, en Pontedeume. A delegación municipal de Educación promove esta Sementeira de Versos, unha iniciativa para fomentar a poesía entre os rapaces, que este ano, sen actividades extraescolares polo covid, serve para que saian dos centros. Os escolares de Primaria e Secundaria do resto dos centros seguirán sementando versos ao longo da semana.
A concelleira de Educación, Alejandra Bellón, poeta, destaca a oportunidade de divulgar «un xénero literario que está ao alcance de todo o mundo». Máis, subliñou, «nun pobo de tantos poetas, que espera que o Día das Letras Galegas se adique a Ramiro Fonte».