Anulan a obriga de ter carné de conducir para traballar no servizo de axuda no fogar de Mugardos

O Xulgado do Contencioso Administrativo número 1 de Ferrol anula o requisito de ter carné de conducir que o sindicato CC.OO. tilda de «arbitrario» e que o Concello de Mugardos introducira nas bases para a estabilización do persoal do servizo de axuda no fogar (SAF). Tras unha demanda de Comisións, ordena retrotraer o proceso de estabilización de postos de traballo ao momento anterior á aprobación e publicación das bases no Boletín Oficial da Provincia. Así, anula a obrigatoriedade de posuír os permisos de circulación A1 ou B1, unha circunstancia que «non se esixira en máis de vinte anos e nin sequera se estaba a solicitar para outros postos», precisa el sindicato.

Na súa argumentación, ratificada pola Xustiza, CC.OO. sinalaba que sen este requisito se daba unha correcta prestación do servizo; e que tampouco o concello pon vehículos a disposición das traballadoras, como acontece noutros servizos onde si se esixe ter o carné. Por último, a central demostrou que na relación de postos de traballo municipal, na descrición de funcións que realiza o persoal do SAF, non aparece recollido o manexo de vehículos. Á vista das probas, o fallo concluíu que posuír o carné pode incluírse como mérito, pero non como obriga.

---

---

---