Narón sorteará cestas de Nadal, vales de compra e entradas ao parque Warner Bros
NARÓN
O Concello lanza cos comerciantes a campaña para estas festas
06 dic 2023 . Actualizado a las 05:00 h.Dentro da Campaña do Nadal do Comercio de Narón, o Concello colaborará cos pequenos empresarios co sorteo de varios agasallos entre os clientes: dende cestas de Nadal, ata vales de compra e entradas ao parque Warner Bros. A concelleira de Promoción Económica, Olga Ameneiro, presentou esta iniciativa xunto con Susana Oreona, secretaria da Asociación de Comerciantes. O programa iniciouse onte e continuará ata o 31 de decembro.
Os clientes terán que depositar as papeletas cos seus datos persoais (nome, apelidos e teléfono) nas urnas dos establecementos debidamente sinalizados. Cada tenda establecerá un importe mínimo de compra para entregar o boleto. E os participantes optarán a diversos premios: catro cestas con produtos de Nadal; tres vales de compra por importe de 1.000, 600 e 400 euros respectivamente; e entradas ao parque da Warner Bros en Madrid para dúas persoas, incluíndo o aloxamento nun hotel concertado e con almorzo.
Cada semana durante a campaña, elixirase por sorteo público ao comercio no que a organización sorteará cada cesta. Tanto eses premios como os restantes «comunicaranse telefónicamente á persoa agraciada e as entregas levaranse a cabo no Concello de Narón». A adhesión á campaña dos comercios locais permanecerá aberta durante a vixencia da mesma.