Xabier Díaz e as Adufeiras de Salitre, no Festival do Río Castro en Naraío, San Sadurniño

Xabier Díaz e as Adufeiras de Salitre encabezan o cartel do vixésimo oitavo Festival do Río Castro, que se celebrará o 1 de xullo no campo da Bóla, en Naraío (San Sadurniño). Serán os primeiros en actuar pola noite, e despois haberá concertos de Carapaus e Mekánika Rolling Band.

Pero a actividade á beira do río arrincará pola mañá, coa sesión vermú (14.00 horas), coas escolas municipais de gaita, pandeireta e cantos de taberna; xogos para a rapazada (a partir das 15.30); e a actuación de César Freiría (o home-orquestra Cé Orquestra Pantasma), ás 17.30.

Pola tarde tamén se celebrará o campionato de deportes rurais por equipos (18.30). O autor do cartel deste ano é Juanlu Nacha.

---

---

---