O Seminario de Estudos Comarcais reunirá os días 23 e 24 a varios investigadores para falar do crego liberal nado en Laxe
15 nov 2012 . Actualizado a las 07:00 h.A próxima fin de semana, 200 anos despois de que o crego nado en Laxe Juan Antonio Posse Varela se dirixise desde o púlpito aos seus fregueses para facer unha viva defensa da Constitución promulgada en Cádiz só uns meses antes, un grupo de investigadores se reunirán en Vimianzo para recuperar o pensamento e a figura histórica deste destacado representante do movemento liberal da España de comezos do século XIX.
Seguindo a estela do acto organizado no 2007 con motivo do 240 aniversario do nacemento de Posse Varela, o Seminario de Estudos Comarcais da Costa da Morte (Semescom) celebrará os días 23 e 24 deste mes unhas xornadas nas que o fío condutor será o famoso sermón pronunciado polo sacerdote na localidade leonesa de San Andrés de Rabanedo. «Ya no somos esclavos de los reyes: ya somos hombres libres», é unha das frases do discurso e do ideario deste crego que foi perseguido e condenado polas súas ideas.
A Casa da Cultura de Vimianzo servirá de escenario a estas xornadas nas que a entidade que preside Xosé María Lema Suárez reunirá a diversos expertos do mundo da docencia e da investigación para botar algo de luz sobre este laxense ilustre.
16.30. Inauguración das xornadas e conferencia sobre a vida e a obra de Posse a cargo de Xosé María Lema Suárez, presidente do Semescom.
18.00. A profesora de Dereito Administrativo da Universidade de Santiago de Compostela (USC) Alba Nogueira falará sobre a súa defensa da Constitución de 1812.
19.00. Ana María Romero Masiá, catedrática de Xeografía e Historia, ocuparase dos avances e retrocesos do liberalismo galego no período 1808-1837.
20.00. Foro aberto para a participación e o debate entre os presentes nas xornadas.
10.00. Víctor Castiñeira, licenciado en Historia e técnico do Concello de Cee, abordará a vida cotidiá na Costa da Morte nos tempos de Posse Varela.
11.00. O investigador Xosé María Méndez Doménech falará da relación da familia Doménech de Laxe co crego.
12.30. A vida e a obra de Posse no contexto sociolingüístico da época centrarán a intervención de Ramón Mariño, catedrático de Filoloxía Galega da USC.
13.30. Foro aberto.
16.30. Visita guiada aos lugares da comarca relacionadas con Posse: Soesto e Laxe.
A procesión do Sacramento de Carballo cambiou moi pouco nos últimos años. Na de 1993 estivo o arcebispo Julián Barrio. O que si é diferente é a rúa Coruña, convertida nun espazo peonil. Polo resto ninguén diría están a punto de pasar xa vinte anos. foto casal