A agrupación celtista viguesa colabora coa campaña Un neno, un xoguete e con Autismo Vigo
26 nov 2023 . Actualizado a las 10:15 h.Como xa viña facendo nos últimos anos, a peña celtista viguesa Celtabirras volve organizar neste 2023 unha recollida solidaria de xoguetes con vistas ao Nadal. As datas de entrega serán coincidindo cos partidos do Celta fóra da casa, os días 7, 11 e 20 de decembro no local da peña, en Valadares; xa se podía colaborar este sábado, coincidindo coa visita a Mestalla.
Os beneficiarios desta acción serán a campaña Un neno, un xoguete -que recolle xoguetes para familias necesitadas- e con Autismo Vigo. Lembran desde a peña que os xoguetes que se donen deberán estar en bo estado e funcionamento, non tendo que ser necesariamente novos, sempre que cumpran eses requisitos. Os responsables de campaña recalcan a necesidade de ordenadores usados, xa que hai moita demanda.