Rafa un adestrador bastante metódico, que trata de controlar todas as circunstancias
06 feb 2024 . Actualizado a las 05:00 h.Benítez está exhibindo diferentes rexistros para afrontar os partidos. É un dos adestradores que máis troca en función do rival que ten enfronte. O técnico ten dúas ideas moi marcadas coas súas variantes: os tres centrais e o 4-4-2. Cando aposta pola defensa de catro, case sempre se decanta por un dobre lateral nunha das bandas, que adoita ser Mingueza, e cando fai defensa de cinco, aposta por dous carrileiros. Creo que nestes momentos, é o sistema no que se sinten máis cómodos tanto Benítez como o equipo.
Particularmente, considero a Rafa un adestrador bastante metódico, que trata de controlar todas as circunstancias e o que pode pasar no partido, e creo que xoga moito en función diso; logo, xa me xeran algo de dúbidas as lecturas que fai en determinados momentos de partido. Eu creo que é un entrenador que se fixa moito no rival para decidir o debuxo.
Ata agora, o equipo ten sacado algúns partidos co 4-4-2 pero, ultimamente, eu vexo máis cómodo ao Celta cando ten defensa de cinco. Dá a impresión que se sinte máis arroupado e pensando que pode crecer a partir dunha boa defensa e deixando a portería a cero como fixeron no Sadar. Ademais, o 5-4-1 tamén se pode converter nun sistema bastante ofensivo.
Benítez foi toda a vida un clásico do 4-4-2, pero eu teño unha teoría para a súa evolución táctica: creo que pasou moito tempo sen adestrar e aproveitou para estudar moitísimo o fútbol actual e se ten tempo, e as cousas empezan a funcionar, creo que pode facer algo moi interesante en Vigo.
Tamén hai que reparar no que lle está dando Mingueza ao equipo con este sistema: as asimetrías, algo moi importante no fútbol de hoxe, porque falamos de incursións coas que non conta o rival e que fan dubidar moitísimo a laterais e centrais.