A «gran sorpresa» de Antón Reixa coa proposta para facer unha versión de «Xa están aquí» para As Celtas
GRADA DE RÍO
O fundador do grupo e o produtor dá versión dan algunhas claves deste himno recén estreado do equipo feminino do Celta
06 sep 2024 . Actualizado a las 18:31 h.O responsable de contidos do Celta, Gael García, foi quen se decatou de que tema Xa están aquí, de Os Resentidos, enxcaixaba coma unha luva para As Celtas, comentoullo á presidenta, Marián Mouriño, a quen lle seduciu a idea ao momento, e contactaron con Antón Reixa, un dos fundadores do grupo, que se prestou encantado a participar na versión gravada a modo de himno do equipo feminino.
«Foi unha gran sorpresa que o Celta pensara nunha canción de Os Resentidos para o seu equipo feminino. A min gústame moito máis que o masculino, que son máis marrulleiros, tíranse á piscina... E o que fixemos foi eliminar as bases para que tivese máis aire de himno que se canta nun estadio», di Reixa. Tamén amosa a súa confianza nas posibilidades deste proxecto. «Vai ser algo moi bo se temos paciencia de esperar a que madure. Van dar moitas alegrías, temos que pasalo moi ben a triunfar con elas», desexa.
O produtor, Iago Picó, detalla que o máis complicado para el foi «reformular a canción, porque a orixinal é unha especie de rock and roll» e querían levalo a unha música máis actual. «Tirei máis cara a sintetizadores máis modernos, metendo elementos galegos como gaitas e pandeiretas con voces corais». Explica que o estribillo é con palmas e se pode tararear facilmente. «Estamos satisfeitos co resultado e esperemos que ás rapazas e ao club lles guste», conclúe Reixa.