TEÑO FALADO con moitos coñecidos do chamado Plan Ibarretxe e, polo xeral, a xente responde que cómpre pararlle os pés. Algúns din que non saben de que vai, pero son poucos os que o din. A maioría ten a seguridade de que se trata dun proxecto secesionista, pero non saben explicar por que. A todos podedes preguntarlle algo tan sinxelo como se teñen coñecemento de que competencias serían do Estado e cáles de Euskadi: algúns pensan que o Estado non tería ningunha. E todos se sorprenden de que as competencias de Euskadi serían máis ou menos as de calquera Estado dos EE. UU. E as do Estado as comúns nun estado federal. ¿Ten goberno un país onde a ignorancia das xentes chega a esas cotas? E máis aínda se pensamos que, lonxe de adoutrinalo, ensinalo e civilizalo, os políticos, á procura do voto, prefiren contar historias onde entren termos viscerais, e falsos, como secesionismo ou separatismo, pero ocultando o que é un estado federal. Non outra vai ser a política deste país de agora en diante. Dá arrepío.