DIARIO DE AURIA | O |
11 oct 2003 . Actualizado a las 07:00 h.YO EN cambio nunca supe ir a favor del viento. Escoito a Sabina mentres leo que nomean delegada de Xustiza a Marisol Díaz. A Xustiza auriense está nas mans das mulleres, por fortuna. Son máis xustas porque sufriron (sofren) máis. Quen sofre, é xusto. Nós, os seres felicísimos, habitualmente facemos da inxustiza un modo de proceder. Escribir é sempre parcial. Escribir é un modo de facer inimigos. Os que escribimos dende a alma, deixamos a alma ao descuberto e despois pasa o que pasa: que te la hunden, chaval. Por iso felicito efusivamente á nova delegada, e felicito á delegada que marcha a asesorar a Cabezas, e aos amigos e amiguetes colocados en virtude da súa persoal cercanía e, evidentemente, pola súa capacitación profesional. Entre los iguales, yo escojo a los míos. É lei de vida. A lei da selva. Iso é a vida, unha xungla de cristal sen un Bruce Willis que te salve. Marisol amósase agradecida aos que confían nela: no los defraudaré: de ben nacidos é ser agradecidos. Xa ten, ela, Marisol, o meu beneplácito e estima. Aunque yo, que seguramente no soy como ella, nunca supe ir a favor del viento. Por eso nunca llegaré a delegado, Marisol.