Miguel Carballo, o pintor de Tamallancos e portavoz do BNG no Concello de Vilamarín, de forma intermitente desde 1995, presentou na asemblea comarcal do seu partido, o pasado fin de semana, a súa autosuspensión de militancia do Bloque por tempo indefinido.
-¿A que se debe esta decisión?
-Voume do BNG porque é o único xeito de poder opinar xa que dentro non se pode. Se non se pertence a unha corrente non se pode falar, nin crear unha lista. Por iso fágoo, como un sinal de protesta, porque hai un dobre carné de superior categoría e os que temos só un e contamos só para traballar.
-¿Seguirá como concelleiro e portavoz de Vilamarín?
-Si, a non ser que me digan o contrario. Seguirei como ao principio como independente, sen ter ningunha militancia.
-Dixo que cre que o golpe recibido nas urnas polo BNG foi merecido, ¿ségueo pensando?
-Algo fallou porque non cumprimos as expectativas, nin da xente nin as que tiñamos a militancia, esperabamos máis, aínda que non é ese o motivo principal do meu autosuspensión de militancia senón que o BNG vai por un camiño que non me gusta e hai que buscar outro tipo de organización.
-¿Cal?
- Un partido democrático pero un só, non unha chea con outra chea de partidos dentro, un berenxenal, na que por outro lado controla e manexa todo sobre todo un, e dar paso a un partido novo.
-¿Conseguirase pronto?
-É o momento porque estamos nun período de reflexión e espero que evolucione a iso que me gustaría.