![Faladoiro sobre a Xeración Nós na Praza 200](https://img.lavdg.com/sc/K_a5oM2Gv-iO_fZGDM9Y2JBQgEw=/480x/2021/09/23/00121632395223069677704/Foto/O23S1001.jpg)
A mostra itinerante foi presentada cunha charla sobre o legado da xeración
24 sep 2021 . Actualizado a las 05:00 h.A exposición itinerante sobre a Xeración Nós organizada pola Fundación Vicente Risco en colaboracion co Concello de Ourense estará ata o próximo día 31 de outubro na Praza 200, situada nas vivendas sociais xunto á antiga estación de autobuses. A iniciativa conta coa colaboración da Asociación Veciñal As Termas e da Asociación Vía Vella de Ponte Canedo. A presentación da mostra tivo lugar cun faladoiro ao aire libre sobre o legado de Nós aproveitando o espazo peonil da praza do barrio.