Trives acolle unha presentación dun libro sobre Florencio Delgado Gurriarán
OURENSE
A POBRA DE TRIVES
O escritor Xesús Alonso Montero falará este xoves sobre a súa obra no auditorio Julio Vázquez trivés
11 may 2022 . Actualizado a las 14:37 h.As actividades relacionadas con Florencio Delgado Gurriarán non paran de medrar na provincia. Este xoves toca en Trives a presentación do libro de Xesús Alonso Montero sobre o poeta de Córgomo. Será no Auditorio Julio Vázquez ás 18.00 horas. Para presentar Florencio Delgado Gurriarán. Poeta na terra, na guerra e no exilio, Alonso estará acompañando do tamén escritor Xoán Carlos Domínguez Alberte, a alcaldesa do municipio, Patricia Domínguez Barja, e o director do IES Xermán Ancochea, Franciso García Sánchez.