A iniciativa da Fundación Florencio Delgado Gurriarán é accesible na rede
04 nov 2025 . Actualizado a las 05:00 h.O dicionario da fala valdeorresa que está a crear a Fundación Florencio Delgado Gurriarán suma xa preto de 200 termos. O dato foi posto sobre a mesa co gallo da presentación que a xerente da fundación, Débora Álvarez, e a concelleira barquense Margarida Pizcueta fixeron ao secretario xeral de Política Lingüística, Valentín García. Nesa reunión falouse da posibilidade de espallar a iniciativa a outras comarcas de Galicia.
Pode consultarse en dicionario.florenciodelgadogurriaran.gal. Inclúe un apartado de termos e outro de refráns representativos da idiosincrasia valdeorresa.