Os afeccionados volven ter bus para acompañar os de Luisito o luns ante a U.D. Ourense
OURENSE CIUDAD
O custe do desprazamento máis a entrada ao partido no Couto é de 15 euros
27 abr 2023 . Actualizado a las 05:00 h.A U.D. Ourense aproveitou a festividade do 1 de maio para retrasar o partido de ida da primeira eliminatoria da promoción á Segunda R.F.E.F. fronte ao Arousa. O cadro arlequinado buscará encarrilar o cruce o vindeiro luns desde as seis da tarde no estadio do Couto.
O club ourensán abriu onte a venda de entradas. O seu custe, 5 euros para os seus abonados. Para o resto, o acceso cobraráse a 10 euros na zona de preferencia e a 12 na de tribuna, sendo gratuíto para os menores de 16 anos.
Visto o éxito da mobilización o pasado domingo para o partido en Vilalba, no que o Arousa apurou sen éxito a súa última opción de conseguir o título de Liga e o ascenso directo na derradeira xornada de Liga, a peña Escuadra Arlequinada, co apoio do propio club vilagarcián, volve fretar desta volta autobuses para aqueles seareiros que queiran apoiar nas gradas os homes de Luisito Mïguez o vindeiro luns. Os interesados poden anotarse nas oficinas do Arousa na Lomba en horario de 17 a 21 horas ou ben no bar Abadía do Duque. Este último será o punto de partida o luns ás 15 horas. O custe do bus máis entrada: 15 euros.