Retranca Editora publica, por primeira vez, en galego «Cando sopra o vento»

Como colofón ás primeiras xornadas BDra Gráfica que se desenvolven en Pontevedra e ao término da conversa programada no Teatro Principal con Miguelanxo Prado (Premio Nacional de Cómic 2014), Kiko da Silva, coordinador deste salón, director de O Garaxe Hermético e editor de Retranca Editora, ten previsto anunciar este domingo a edición, por primeira vez, en galego no vindeiro maio dun clásico do cómic que leva máis de corenta anos descatalogado en España: Cando sopra o vento, do autor inglés Raymond Briggs, recientemente falecido. Esta banda deseñada «conta a historia de James e Hilda, unha parella de xubilados, que viven tranquilamente na súa pequena casiña da campiña inglesa, entretidos nos seus pouco estresantes quefaceres. De súpeto, a radio anuncia o inicio das hostilidades e ambos, con experiencia nos bombardeos da II Guerra Mundial, afánanse en prepararse un refuxio doméstico contra as bombas. A deflagración non se fai esperar e o matrimonio pon en práctica os consellos dos folletos gobernamentais coa esperanza de sobrevivir».

A obra relata como Jim, que leu os folletines oficiais sobre a a bomba atómica, «inicia a construción dun refuxio que lles protexerá en caso dunha explosión nuclear. Cando finalmente a terrible bomba explota os doces anciáns descubrirán os terribles efectos da guerra nuclear e o horror da radiación no ser humano».

Trátase, en opinión de Kiko da Silva, «dunha historia devastadora creada en banda deseñada por Raymond Briggs en 1982 e adaptada ao cinema en 1986 que tras anos do desastre de Chernóbil ou Fukushima volve a estar desgraciadamente moi de actualidade. Unha banda deseñada imprecindible para concienciar ós máis novos dos perigos da guerra nuclear».

Cunha banda sonora na que aparecen os nomes de Roger Waters e David Bowie, que interpretaron a canción dos créditos, Genesis, Squeeze e Paul Hardcastle, a película está tamén considerada como un clásico da animación para adultos.

---

---

---