Pontevedra, Bueu e Poio arrancan a programación de Samaín con diversas actividades
PONTEVEDRA
As actividades no caso da cidade do Lérez teñen como epicentro o Mercado de Abastos
26 oct 2024 . Actualizado a las 05:00 h.Pese a que aínda quedan varios días para celebrar o Samaín, distintos concellos da contorna de Pontevedra arrancan este mesmo sábado a súa programación por esta festividade. É o caso da cidade do Lérez, onde o Mercado de Abastos acollerá dúas quendas, ás 17 e ás 18.15, dun obradoiro de pantasmas e disfraces de ánimas para a procesión que se desenvolverá o 31 de outubro polo casco histórico. Dirixido a familias con cativada a partir de 4 anos é preciso inscrición previa en oganapan@gmail.com.
Pola súa banda, en Bueu e impulsado pola Libraría Abrente desenvolverase dende as 12 horas unha sesión contacontos no Estaleiro de Purro na que se presentarán os contos Una casa monstruosa, Hay un fantasma en esta casa, ¡Mira por la ventana!, Un, dous, tres, vampiro ti es e O noso Samaín. Entre as 17 e as 20 horas, o Pavillón de Beluso habilitará un túnel do terror, obradoiros de manualidades e xogos en familia, mentres que, ás 16.30 horas, o adro da parroquia de Cela celebrará un magosto.
E xa en Poio, o Samaín de Campelo, que ten o seu epicentro na carpa habilitada na praza da Granxa, anunciou a organización dunha serie de obradoiros de cabazas como inicio dunha programación que se estenderá ata o vindeiro 2 de novembro.