O Museo de Pontevedra recrea os cen anos de historia da Coral Polifónica

Ata o 20 de abril poderase visitar no Museo Provincial unha mostra que conmemora o centenario da Sociedad Coral Polifónica de Pontevedra. A exposición «percorre o século de existencia desta agrupación nacida co afán de contribuír, a través da música, á construción da cultura galega», destacaron ao respecto.

Comisariada por Carlos Valle, quen fora director do Museo durante máis de trinta anos e actual director da Polifónica, a exhibición «inclúe reproducións das escenografías realizadas por Castelao na década de 1920», pero tamén partituras, programas de man, recoñecementos, ilustracións e toda clase de efectos vinculados con esta agrupación.

«Non hai nada máis pontevedrés que o Museo de Pontevedra, a Polifónica e Castelao, e se unimos todo isto temos o centenario da Polifónica, que se celebra este ano cunha exposición no Museo que permite achegarse a unha das partes menos coñecidas da obra de Castelao: as escenografías que fixo para esta agrupación», remarcou Rafa Domínguez. El vicepresidente de la Deputación engadiu que «se es de Pontevedra tes que vir a esta exposición, porque é parte da historia da nosa cidade».

---

---

---