A Fundación Manuel Moldes de Pontevedra acolle un obradoiro cinematográfico de stop motion

No marco do ciclo Tecendo redes, que se realiza en colaboración coa Deputación de Pontevedra para fortalecer os lazos e crear sinerxías entre o mundo da arte e a sociedade, a Fundación Manuel Moldes acolle este sábado (18.00 horas) o obradoiro Obxecto animado. A maxia do stop motion. Trátase dun taller centrado nesta técnica cinematográfica a cargo do artista Borja Guerrero.

Dende a fundación destacaron o feito de que o obradoiro coincide co pulo cinematográfico da cidade con Novos Cinemas e os Premios Feroz, ademais da recen estreada mostra na propia Fundación Manuel Moldes. A actividade é de balde, pero requírese inscrición previa en info@fundacionmanuelmoldes.org.

---

---

---