14 ago 2024 . Actualizado a las 05:00 h.
Hoxe penetroume. Foi un acto frío e calculado. Os movementos xustos, ningún de máis. Nada de preliminares.
Nin tan sequera me mirou mentres me apalpaba as tetas. Díxome que me chamaría. Non llo creo. A última vez non o fixo. Limitárase a delegar na súa secretaria.
—Queda tranquila, a citoloxía está perfecta!
Foi o que me dixo naquela ocasión, cun amable sorriso nos beizos.
Agardo que desta volta me diga o mesmo!
Mónica Fraga Rodríguez. 50 anos. Oleiros