Ofrecerá a través das redes o certame fotográfica Filloarte e un atranque dos Xenerais
21 feb 2021 . Actualizado a las 04:55 h.Lestedo celebra hoxe a súa Festa da Filloa de xeito virtual. Fotografías de elaboracións do produto gastronómico e as coplas dos Xenerais centrarán os contidos que se compartirán na rede. O certame fotográfico Filloarte recibiu máis de medio cento de imaxes que se difundirán no Facebook da Festa da Filloa de Lestedo. As tres que obteñan máis «gústame» serán as gañadoras dos premios en vales de compra nos establecementos de Boqueixón por valor de 200, 100 e 50 euros.
A actividade completarase cun atranque virtual dos Xenerais protagonizados por Uxía Canabal e Xulián Vázquez. Ademais, a Asociación Cultural da Festa da Filloa de Lestedo estreará páxina web sobre a celebración gastronómica.