A publicación foi presentada onte en Santiago
22 dic 2021 . Actualizado a las 04:55 h.A súa orixe está hai máis de medio século pero é agora cando ve a luz para ofrecer unha visión da literatura galega deses finais dos 60. Trátase de «Dicionario da nova literatura galega (86 voces responden un enquérito, 1969» (Xerais), de Xesús Alonso Montero. Nel recóllese as respostas de 86 escritores e escritoras —daquela poucas— en lingua galega a unha enquisa enviada por Alonso Montero. Non só hai datos biográficos e bibliográficos, senón tamén outras consideracións que permiten coñecer as preocupacións de hai medio século.
O libro, que contou co apoio da Secretaría Xeral de Política Lingüística, inclúe un prólogo do crítico e escritor Ramón Nicolás, no que fai unha análise desas respostas á enquisa. Trátase, segundo o editor Francisco Alonso, dunha homenaxe á literatura galega, á memoria de finais dos 60 e á Xesús Alonso Montero.