Teo lembra o vindeiro domingo a Pousa Antelo e entrega o Caxato a Carme Varela
SANTIAGO / LA VOZ
SANTIAGO
Tralo saúdo das autoridades municipais, falará Alfonso Blanco en nome da Irmandade Avelino Pousa, da Asociación Cultural Xermolos e da Fundación Manuel María da Terra Cha
14 ago 2023 . Actualizado a las 05:00 h.Teo lembrará o vindeiro domingo día 20 a Avelino Pousa Antelo, no undécimo aniversario do seu pasamento, cuns actos que principiarán ao mediodía no Auditorio Constante Liste da Ramallosa. Tralo saúdo das autoridades municipais, falará Alfonso Blanco en nome da Irmandade Avelino Pousa, da Asociación Cultural Xermolos e da Fundación Manuel María da Terra Cha. Entregarase o Caxato a Carme Varela, escritora que colaborou moitos anos con Pousa Antelo como secretaria técnica da Fundación Castelao, que intervirá ao igual que familiares do insigne galeguista.