O acto de lembranza será ás 19.00 horas e terá como complemento unha mostrs de obra pictórica e dos deseños da artista falecida a finais do ano pasado
10 ene 2024 . Actualizado a las 04:55 h.Xoves 11 • 19.00 horas • Museo do Pobo • Amigos, músicas e poetas renderanlle unha homenaxe mañá no Museo do Pobo Galego á pintora compostelá Aurichu Pereira, falecida o pasado novembro. «Aurichu Pereira (Santiago, 1940-2023) é unha artista integral: pintora, música, deseñadora de moda e cidadá comprometida coas causas xustas e coa loita de liberación nacional de Galicia», lembra Xosé Ramón Fandiño no texto que acompaña a convocatoria da homenaxe. Nel tamén fai un repaso pola traxectoria da artista, que tivo a Maside como mestre.
A homenaxe complétase cunha mostra da obra pictórica e dos deseños de Aurichu Pereira, que poderá visitarse ata o 11 de febreiro.