
As persoas interesadas en participar deben formar un equipo de tres integrantes e enviar os seus datos de contacto ao enderezo electrónico do programa
25 ago 2025 . Actualizado a las 16:37 h.O popular concurso da TVG Eu sei + ca ti, conducido por Fran Nogueira, convoca un novo casting en liña para seleccionar participantes. As persoas interesadas en concursar deben formar un equipo de tres integrantes —xa sexan familiares, compañeiros de traballo ou amigos— e enviar os seus datos de contacto ao enderezo electrónico euseimaiscati@crtvg.gal.
O formato, que combina coñecemento, estratexia e diversión, propón aos concursantes o reto de abrir unha caixa forte a través de diversas probas de preguntas e respostas. De descifrar o código secreto, levarán 6.000 euros; de non facelo, o equipo finalista de cada programa terá garantido o premio do día, valorado en 225. Ademais, o trío que máis puntos consiga na clasificación semanal terá a oportunidade de seguir concursando e de seguir sumando cartos ao longo de toda a súa traxectoria no programa.