Televisión de Galicia, líder de audiencia no «prime-time» do martes cun 12,9 %
TELEVISIÓN
O concurso «Eu sei + ca ti» e a gran final de «A liga dos cantantes extraordinarios» foron o máis visto
06 ago 2025 . Actualizado a las 16:13 h.O prime time da TVG acadou un 12,9 % de cota de pantalla este martes, nunha noite en que se emitiu a gran final de A liga dos cantantes extraordinarios, o talent show musical que busca recoñecer as voces con máis personalidade e talento do panorama galego e que gañou, nunha reñida final, o concursante Ángel Mosquera. A emisión superou a seguinte canle en 6 puntos, (Antena 3, cunha cota do 9,4 %).
A proposta de entretemento da Galega no prime time convenceu a audiencia: A Liga: Gran Final liderou na súa franxa, de máis de dúas horas e media, cunha cota do 15,4 %; e o concurso Eu sei + ca ti, que produce Voz Audiovisual e presenta Fran Nogueira, emitido xusto antes, foi líder cun 14 %.
No conxunto da xornada, a cota media da TVG situouse nun 10,4 % e, no caso da franxa informativa do mediodía, coas emisións de Galicia noticias e Telexornal mediodía (de 13.30 a 15.30 horas), a cota acadou o 13,5 %.
En total, 521.000 galegos, o 20 % da poboación maior de 4 anos, seguiron algunha das emisións da xornada deste martes 5 de agosto na TVG, o medio de referencia de información e entretemento coa cidadanía galega.