O festival Sinsal despide a súa 23 edición con sons de África, Europa e América
VIGO
Un total de 2.400 persoas 800 por día asistiron ao certame, que ofreceu un total de 17 estreas en Galicia, doce delas en España
28 jul 2025 . Actualizado a las 05:00 h.O Festival Sinsal despediu onte a súa edición número 23, (a 15 na illa de San Simón) cunha xornada ateigada de diversidade musical na súa grella secreta de concertos e coas estreas, en territorio estatal, das bandas Arsenal Mikebe, de Uganda; Bitoi, de Suecia; Dog Race, de Reino Unido) e Uche Yara, de Austria. Tamén tiveron onte a súa primeira actuación ante o público galego Asmâa Hamzoui & Bnat Timbouktou, de Marrocos, Fin del Mundo, de Arxentina, e Rocío Guzmán, nunha programación que completaron as pandeireteiras Tanxedoras, Pedro Blázquez con dobre sesión de DJ no escenario Malmequeres e a Orquesta Clásica de Vigo coa proposta Rumbantela.
Un total de 2.400 persoas 800 por día asistiron ao Festival Sinsal 2025, que ofreceu un total de 17 debuts en Galicia, 12 de eles en España, ao longo de tres xornadas de directos, audicións, visitas guiadas e obradoiros. A programación completouse coas actividades culturais paralelas enmarcadas na Escola Sinsal con Audicións Malmequeres na que Isabel Díaz e Pedro Blázquez recuperaron emisións de club Radio Minuto de Barcelona; Sesións San Simón, exposición A Escola Sinsal: a historia da música gravada en Galicia, Descubre San Simón co roteiro independente homónimo, laboratorio creativo interxeracional, visita guiada coa asociación de mulleres de homes do mar de Cesantes e Cociña Sinsal.