Antonio Veiga: «O BNG marcou a diferenza na Deputación con traballo e a favor da xente»
A MARIÑA
«Ninguén apostou tanto pola Mariña antes, en Benestar, Cultura, Deporte, era unha débeda histórica, e todo a pesar da Xunta»
09 may 2015 . Actualizado a las 05:00 h.«Nunca antes se apostara tanto pola nosa Mariña, nunca, ninguén, en Benestar, en Cultura, en Deporte, en Servizos Sociais, todo a pesar dos recortes da Xunta». Son declaracións do nacionalista Antonio Veiga, vicepresidente da Deputación onte despois da xunta de goberno.
«O BNG -sinalou- foi quen marcou a diferenza no goberno da Deputación Provincial; o BNG aportou coherencia, estabilidade e aportamos traballo sempre a favor da xente; sempre».
Indicaba despois Antonio Veiga que «o goberno de coalición na Deputación funcionou ben e así é valorado pola cidadanía a pesares das diferenzas co PSOE, pero foi o BNG quen marcou a diferenza no xeito de gobernar».
«A Deputación de Lugo foi insumisa ás políticas de recortes ordenadas polos gobernos do PP na Xunta e no Estado e garantiu os servizos ás persoas nos pequenos concellos e no rural, que non se olvide ninguén. Fomos nós, o BNG, foi a Deputación», continuaba noutro momento o nacionalista Antonio Veiga.
Explicou na rolda de prensa Antonio Veiga, vicepresidente da Deputación, que «ó final resarciuse a débeda histórica da Deputación coas comarcas da Mariña e tamén de Lemos. O BNG foi garante dos pequenos concellos e das persoas que viven no rural poñendo en marcha desde as nosas áreas de goberno políticas encamiñadas a mellorar a súa vida, os servizos sociais, que teñan os mesmos que os que viven nas cidades; ninguén fixo tanto por eles, fronte á política de recortes do PP en servizos públicos e básicos», finalizou.
24-m la campaña