«É un edificio significativo pola súa arquitectura e pola súa función cultural e educativa»

O alcalde Javier Jorge Castiñeira destaca o protagonismo da Casa da Cultura de Foz na vida de centos de focenses de distintas xeracións. «É un edificio municipal significativo pola súa arquitectura e pola súa función cultural e educativa. É importante na conformación dun espazo físico que é un cruce de camiños, unha especie de quilómetro 0, para partir e tamén para chegar á vila de Foz». O rexedor focense lembra a figura da familia Martínez Otero e seu protagonismo na historia local.

-Pasado case un século, o edificio segue sendo un lugar de servicios, de reunión para os focenses...

-É un edificio que acolle moitos servizos. Ademais da biblioteca municipal, na planta alta, o edificio aloxa a radio municipal que é un dos emblemas do Concello; tamén funciona a oficina de información ao consumidor, unha sala de exposicións, hai despachos e un salón de actos que, a pesares de ter un aforo reducido, é un lugar con moita actividade.

-O edificio someteuse hai anos a unha remodelación, ¿teñen previsto acometer outras melloras?

-Hai uns meses fixéronse unhas reparacións nos canalóns para tratar de quitarlle algo de humidades. Temos previsto acometer un tratamento de impermeabilización na fachada, de materiais nobres e pétreos. Tanto a fachada, como as escaleiras e outros espacios do edificio, conservan o encanto da construción orixinaria, uns detalles arquitectónicos que se conservan aínda noutros edificios singulares coma o asilo de anciáns e na parte antiga do colexio Martínez Otero. Non debo olvidar a persoas e estudosos como o cronista Suso Fernández, Antón Niñe, Xesús do Breogán, Arcadio Mon... Co seu traballo souberon manter o espíritu da Casa da Cultura, que leva o nome do poeta Manuel María e que acolle cadros e outras doazóns.

javier jorge castiñeira alcalde de foz

---

---

---