Os xuvenís Pedro Torrado e Lucía Tenreiro e os pre séniores Manuel Fontán, Valeira Oliveira e Diego Domínguez sumarán oito probas
04 jul 2023 . Actualizado a las 05:00 h.A temporada de piragüismo ten esta semana un dos seus grandes puntos de atención na localidade italiana de Auronzo. Desde o mércores e ata o domingo, as grandes promesas da modalidade esprint disputarán o Campionato do Mundo Júnior e Sub 23. Un ano máis, coa selección española apuntando a unha das grandes protagonistas. Novamente, co piragüismo arousán aspirando a falar con voz propia. Desta volta, con catro padexeiros máis o madrileño do Breogán do Grove Diego Domínguez.
Na categoría júnior, Lucía Tenreiro Suárez devolve despois de demasiados anos de ausencia o Piragüismo Illa de Arousa á gran cita esprint de categoría base. No seu caso, como baza española na proba do K1 200. O vilagarcián do As Torres-Romaría Vikinga Pedro Torrado Mollinedo competirá, pola súa banda, na canoa individual dos 500 e dos 1.000 metros, este último, barco do programa olímpico.
Na categoría sub 23, a grovense do Escola Piragüismo Poio Valeria Oliveira remará o C4 500 e o relevo mixto do C1, neste último con Daniel Grijalba (E.P. Aranjuez). O vilanovés do Náutico O Muíño de Ribadumia Manuel Fontán disputa o C1 500 e Diego Domínguez o C2 500 e o C4 500.