O C.B. Vilagarcía salienta o grao de fidelidade dos equipos a falta inda de catro meses para a vindeira edición do torneo de baloncesto
09 nov 2023 . Actualizado a las 05:00 h.A falta inda de catro meses para a celebración da vixésimo sétima edición da Vilagarcía Basket Cup Helena Mariño, a organización do torneo vilagarcián anunciou que en menos dun día cubriu todas as prazas do cadro de competición do seu torneo estrela, a VBCup Helena Mariño Future Stars, tanto do masculino coma do feminino.
O Club Baloncesto Vilagarcía, responsable do evento que cada Semana Santa enche de baloncesto a capital arousá con equipos chegados de diversos puntos de España, lamenta a limitación, un ano máis, do número de pistas dispoñibles no recinto feiral de Fexdega, polo que «nos hemos visto obligados a tener que limitar, una vez más, el número de participantes y dejar fuera a equipos por falta de recursos», sinalan.
En cuestión de semanas, engade o C.B. Vilagarcía, abrirán o prazo de inscrición nos cadros das categorías premini e minibasket, que se xogarán sen marcadores.