O Giraldo CB Vilagarcía asina o seu histórico ascenso á Primeira División Autonómica Feminina
AROUSA
O equipo arousán volveu derrotar con contundencia o AX Sagrado Corazón de Lugo
10 may 2025 . Actualizado a las 19:29 h.O equipo sénior feminino do Club Baloncesto Vilagarcía facía este sábado historia no club ao conquistar o ascenso á Primeira División Autonómica logo de confirmar a súa superioridade total sobre o subcampión do Grupo Norte da Segunda División Autonómica, o AX Sagrado Corazón de Lugo.
Tras gañar a Liga do Grupo Sur con 15 vitorias e 1 derrota, o Giraldo CB Vilagarcía derrotaba a semana pasada 50-67 ao seu rival na cidade da muralla e este sábado repetía triunfo, cun inapelable 86-49. Fíxoo coa metade do seu cadro de 13 xogadoras xogando toda a súa vida deportiva no CB: Olalla Castro, Candela del Río, Helena del Río, Aixa Rey, Nuria Tarrío, Leira Unanua e Carlota Blanco. Xunto a elas, Susana Pombo, Andrea Hermida, Sara Varela, María Iglesias, Alba Rodríguez e Paula Alonso. As trece, dirixidas por Mariola Sánchez, con Félix Rey coma adestrador axudante e con Álvaro González en labores de delegado de equipo.
A vindeira fin de semana o conxunto vilagarcián disputará a final polo título de campión da Segunda División Autonómica co gañador do cruce entre o Fontiñas e o Apóstol Vigo.